gwara / Sport 

Nastympne podium Adama Małysza 22-03-2009
Adam Małysz, kiery był piyrszy po piyrszej seryji kónkursu skokanio na skoczni mamucij w Planicy. W drugij seryji skoczuł 209,5 metra a zajón drugi plac w kónkursie. To był ostatni kónkurs w tym sezónie, kiery je rachowany do klasyfikacyji ogólnej Pucharu Świata. Lepszy od Wiśloka był yny Hari Olli, kiery w drugij seryji skoczuł 219,5 a zajón piyrszy plac na skrzini. Trzeci plac mioł Simon Ammann. W tym sezónie nasz nejlepszy oreł zajón szternosty plac w Pucharze Świata a sebroł 449 punktów. Kamil Stoch sebroł 119 punktów a zajón 33 plac.

Małysz je na drugim placu ze wszyjstkich, kierzi terazy a kiejsi skokali a stowali na skrziniach Pucharu Świata. Adaś na skrziniach stowoł 77 razy. Ostatni kónkursy Pucharu Świata były dlo wszyjstkich przeogrómnie nerwowe. Łukasz Kruczek nie poradziuł srobić tak, coby nasz oreł prziszoł spadki do formy. Oreł s Wiseł w połówce sezónu dorzóndziuł sie s Hannu Lepistö, kiery od kwietnia 2006 roku do 11 marca 2008 roku był piyrszym trynerym naszej kadry. Okozało sie to ganc dobre, a nasz Gorol s Wiseł pómału zaczón coros lepszy skokać. Taki kóniec zawodów o Kryształowóm Kule to je dlo nas radojść, a szansa na nastympne sukcesy.

Gratulujymy a dziynkujymy za taki czas radojści naszymu chłapcowi s Wiseł.




 
Copyright ©2007 by Tomasz Sochacki
Kreator Stron www